به‌پێی هه‌واڵی کوردپرێس، فه‌ریق جه‌بار یاوه‌ر ئه‌مینداری گشتیی وه‌زاره‌تی پێشمه‌رگه ده‌ڵێت: "به هیچ شێوه‌یێک ئه‌مریكا و هاوپه‌یمانان نه داوای وه‌رگرتنه‌وه‌ی چه‌كه‌كانی له وه‌زاره‌تی پێشمه‌رگه كردوووه نه داوای جه‌ردی چه‌كه‌كانیشی له پێشمه‌رگه كردوووه و ئه‌وه‌ش له ناو خه‌ڵكدا باسی لێوه‌ده‌كرێت پڕوپاگه‌نده‌یه و هیچ بنه‌مایێی نییه".
ناوبراو وتیشی: "ئه‌مریكا داوای گه‌ڕانه‌وه‌ی چه‌كه‌كانی له هێزی پێشمه‌رگه نه‌كردوووه به‌ڵكوو بڕیاری داوه هاوكاریی زیاترمان بكات و بڕیاریشه له ماوه‌ی داهاتوودا چه‌ک و ته‌قه‌مه‌نیی زیاتر ڕه‌وانه‌ی هه‌رێمی كوردستان بكات و دوو لیوای پێشمه‌رگه پڕچه‌ک بكاته‌وه".
ڕونیشیكرده‌وه، "ئه‌و ڕاوێژكاره بیانیانه‌ی پێشتر له وه‌زاره‌تی پێشمه‌رگه مه‌شقیان به هێزه‌كانمان كردوووه به‌رده‌وامن و سه‌رجه‌م ئه‌و هه‌وڵانه‌ی پێشتر له‌لایه‌ن هاوپه‌یمانانه‌وه بۆ هێزی پێشمه‌رگه گیراونه‌ته‌به‌ر به‌رده‌وامن و هیچ گۆڕانکارییێکی تێدا نه‌كراوه".
به‌رپرسه باڵاكه‌ی وه‌زاره‌تی پێشمه‌رگه جه‌ختی كرده‌وه "به هیچ شێوه‌یێک نه ئه‌مریكا و نه هێزه‌كانی هاوپه‌یمانانیش داوایان له وه‌زاره‌تی پێشمه‌رگه نه‌كردوووه كه جه‌رد بۆ سه‌رجه‌م ئه‌و كه‌لوپه‌له سه‌ربازیی و هاوكارییانه‌ی پێشمه‌رگه بكرێت كه پێشتر له شه‌ڕی داعشدا پێیان دراوه".
سه‌رچاوه: تۆڕی هه‌واڵی سلێمانی (SNN)
کۆدی هه‌واڵنێر: 60103
Your Comment