به‌پێی هه‌واڵی کوردپرێس، ڕۆژی چوارشه‌ممه‌ 6ی حوزه‌یران یان فیجیتاڵ باڵیۆزی چیک له‌ عێراق له‌گه‌ڵ لێپرسراوانی باڵای عێراق کۆ بوووه‌وه‌ و ڕای‌گه‌یاند: به ‌مه‌به‌ستی مه‌شقپێكردن و ھاوكاری كردنی ھێزه‌كان ده‌یانه‌وێت ژماره‌ی ڕاوێژكاره‌كانیان له‌ عێراق زیاد بكه‌ن.

ناوبراو وتیشی: له‌گه‌ڵ لێپرسراوانی به‌غدا دوایین پێشھاته‌كانی عێراق و گرنگیی پته‌و كردنی په‌یوه‌ندییه‌كانی نێوان ھه‌ر دوو وڵات تاوتوێ كرا و له ‌چه‌ند ڕۆژی ڕابردووشدا په‌رله‌مانی چیک پلانێكی حكوومه‌تی وڵاته‌كه‌ی په‌سه‌ند كرد بۆ زیادكردنی ژماره‌ی سه‌ربازه‌كانی له‌ عێراق و ئه‌فغانستان كه‌ به‌پێی پلانه‌كه‌ تا ساڵی 2020 ژماره‌ی سه‌ربازه‌كانی چیک له‌ ئه‌فغانستان له‌ 230 سه‌ربازه‌وه‌ بۆ 390 زیاد ده‌كرێت و له‌ عێراقیش ژماره‌ی ھێزه‌كانی له‌ 49 ڕاوێژكاری سه‌ربازییه‌وه‌ بۆ 110 ڕاوێژكار زیاد ده‌كرێت.

سه‌رچاوه‌: PUK media

کۆدی هه‌واڵنێر: 60103