به‌پێی هه‌واڵی کوردپرێس، هۆشیار زێباری لە میانی پۆستێک كە لە ئەژماری تایبەتی خۆی لە تۆڕی كۆمەڵایەتیی فەیسبووک بڵاوی كردۆتەوە دەڵێت: "ئێستا كۆمەڵێک هەوڵی مەترسیدار هەیە كە ئەو هەوڵانە دەبێتە كارەسات بۆ ئاسایشی عێراق".
ئەندامەكەی مەكتەبی سیاسیی پارتی دەشڵێت: هەوڵەكەكان بۆ "هەڵوەشانەوەی ئەنجامی هەڵبژاردنی پەرلەمانی عێراقە لە ساڵی 2018".
هۆشیار زێباری لە بارەی ئەو كەسانەی لەپشت هەوڵەكەوەن دەڵێت: "كۆمەڵێک لایەنی سیاسی و چەند پەرلەمانتارێكن كە لە هەڵبژاردنی پەرلەمانی عێراق دۆڕاون".
هۆشیار زێباری داوای كردوووە كە پێویستە رێگری لەو هەوڵە بكرێت، بۆ ئەوەی عێراق تووشی ئەو كێشە نەبێت و مەترسی لەسەر ئاسایش دروست نەبێت.
سه‌رچاوه: شارپرێس
کۆدی هه‌واڵنێر: 60104
Your Comment