به‌پێی هه‌واڵی کوردپرێس، ڕۆژی دووشه‌ممه 21ی ئایار به‌هار مه‌حموود جێگری سه‌رۆكی لیژنه‌ی یاساییی په‌رله‌مان ئاماژه‌ی به‌وه دا هۆكاری دواخستنی كۆبوونه‌وه‌كه‌ی په‌رله‌مان ئه‌وه‌یه له ماوه‌ی ڕابردوودا و له كۆبوونه‌وه ڕاوێژكارییه‌كانی سه‌رۆكی فراكسیۆنه‌كاندا لایه‌نه‌كان نه‌گه‌یشتوونه‌ته ڕێککه‌وتنێک له‌سه‌ر پڕۆژه‌یاساكه له كاتێكدا ده‌بێت لایه‌نه‌كان ڕێكبكه‌ون له‌سه‌ری.
ناوبراو وتیشی: "به‌شێكی دیكه‌ی هۆكاره‌كه‌ی په‌یوه‌ندی به بارودۆخی سیاسیی هه‌رێمه‌وه هه‌یه."
له‌لایه‌ن خۆیه‌وه ڤه‌مان فه‌یسه‌ڵ په‌رله‌مانتاری كوردستان له به‌رنامه‌كه‌دا ته‌ئكیدی كرده‌وه ده‌توانرێت له‌م دوو ڕۆژه‌دا سه‌رۆكی فراكسیۆنه‌كان و لیژنه‌كان هه‌وڵه‌كانیان بخه‌نه گه‌ڕ تا قه‌ناعه‌ت به ئه‌ندامه‌كانیان بكه‌ن به‌شداری له كۆبوونه‌وه‌ی لیژنه‌كان بكه‌ن و نیساب ته‌واو بێت.
له‌باره‌ی ئه‌وه‌ی دواخستنه‌كه تا چه‌ند په‌یوه‌ندی به بارودۆخی سیاسیی هه‌رێم و ناڕه‌زاییی لایه‌نه‌كانه‌وه هه‌یه كه ده‌ڵێن ساخته‌كاری له هه‌ڵبژاردنی په‌رله‌مانی عیراقدا كراوه؟ وتی: "ئه‌گه‌ر ساخته‌كاری كرابێت وه‌ک ئه‌و لایه‌نانه ده‌ڵێن ئه‌وا ساخته‌كاری و چاكسازی هێنده‌ی زه‌وی و ئاسمان له یه‌ك دوورن پڕۆژه‌یاساكه په‌یوه‌ندی به ژیان و گوزه‌رانی خه‌ڵكه‌وه هه‌یه."
کۆدی هه‌واڵنێر: 60103
Your Comment