بەپێی هەواڵی کوردپرێس، لە درێژەی خۆپیشاندانی کوردی دانیشتووی ئەورووپا لەم چەند ڕۆژەی دواییدا دژ بە هێرشی تورکیا بۆسەر عەفرین، کوردەکانی دانیشتووی شاری دۆسڵدۆرفی ئاڵمانیاش لە فڕۆکەخانەی ئەو وڵاتی دەنگیان هەڵبڕی و ناڕەزایی خۆیان پیشان دا.

بە گوێرەی پۆلیسی ئاڵمانیا کوردی ناڕازی لەگەڵ تورکەکان لێک‌ئاڵاون و پۆلیسیش ناچار بووە بۆ ڕێگری لە توندوتیژیی زیتر دەست لە کارەکە وەربدات.

هەروەها وەک پۆلیسی فێدراڵی ئاڵمانیا ئاماژەی پێکردووە چەند کەسێک لە توندوتیژییەکەدا بریندار بوونە و پۆلیس گازی بیبەری بۆ بڵاوەپێکردنی خەڵکەکە بەکار هێناوە.

پۆلیس باسی لەوەش کردووە ژمارەی کوردەکان نزیکەو ١٥٠ کەس بووە و تەواو لە هێرشی تورکیا بۆسەر کانتۆنی کوردنشینی عەفرین لە سووریا تووڕە و ناڕازی بوونە.

هەروەها ڕاشی‌گەیاندووە لەم حەفتەیەدا لە چەند شار و شوێنی ئاڵمانیا کوردەکان دژ بەو هێرشە خۆپیشاندانیان ئەنجام داوە.

سەرچاوە: هەواڵدەریی فەرانسە

کۆدی هەواڵنێر: ٦٠١٠٥