به‌پێی هه‌واڵی کوردپرێس، عاسم جیهاد، گوته‌بێژى وه‌زاره‌تى نه‌وتى عێراق له لێدوانێكیدا بۆ باسنیووز ئاماژه‌ی به‌وه کرد: "به‌ره‌وپێشچوونى باش له نێوان هه‌ولێر و به‌غدا هه‌یه به تایبه‌تی دواى ئه‌و كۆبوونه‌وانه‌ى له‌م ماوه‌یه‌دا له نێوان سه‌رۆک‌وه‌زیرانى هه‌رێمی کوردستان و سه‌رۆک وه‌زیرانی عێراق ئه‌نجام دران."
ناوبراو ئه‌وه‌شی ئاشکرا کرد: "به‌ڕێوه چوون و ڕێكکه‌وتنى نێوان هه‌رێمی کوردستان و به‌غدا له‌سه‌ر پرسی نه‌وت نزیكه و قۆناغى باشی بڕیوه."
گوته‌بێژی وه‌زاره‌تی نه‌وتی عێراق ئاماژه‌ی به‌وه‌ش دا: "وه‌زیرى نه‌وتى عێراق له‌گه‌ڵ به‌رپرسانى كورد چه‌ند جارێک له‌سه‌ر ئه‌و ناكۆكییانه‌ى پێشتر هه‌بوون، كۆ بوونه‌ته‌وه و هه‌وڵى چاره‌سه‌ر و ڕێكکه‌وتن ده‌درێت".
له به‌شێکی دیکه‌ی قسه‌کانیدا عاسم جیهاد باسی له سكاڵاى ئه‌نجومه‌نى پارێزگاى كه‌ركووک له دادگاى فیدراڵی و نه‌بوونى هه‌ماهه‌نگى له نێوان ئه‌نجومه‌نه‌که و وه‌زاره‌تی نه‌وتی عێراق کرد و ڕای‌گه‌یاند: "كه‌ی ئه‌نجومه‌نى پارێزگاى كه‌ركووک هه‌ماهه‌نگییان له نێوان خۆیاندا هه‌بوو، ئه‌وكات ئێمه هه‌ماهه‌نگیمان ده‌بێت و وه‌زارتى نه‌وت سه‌رپشكه چ ڕێکكه‌وتنێک یان به چ شێوه‌یێک بۆ هه‌ر وڵاتێكى ده‌نێرێت".
کۆدی هه‌واڵنێر: 60103
Your Comment