به‌پێی هه‌واڵی کوردپرێس، عه‌باس به‌هه‌شتی ڕۆژی چوارشه‌ممه له‌و باره‌یه‌وه به هه‌واڵنێری ئێرنای وت: تا ئێستا 32 ته‌رم دۆزراوه‌ته‌وه و ئێستا له بازگه‌ی ژینگه‌پارێزیی چیای گوڵ، ئه‌رکانی فه‌رمانده‌یی جێگیر کراوه.
به‌هه‌شتی زیادی کرد: ناسینی ته‌رمی گیانبه‌خت کردوان له سه‌نته‌ری پارێزگا ئه‌نجام ده‌بێت و ته‌م و مژ و هه‌ور بۆته هۆی کێشه بۆ که‌شه‌وانان و تیمی گه‌ڕان به دوای ته‌رمه‌کاندا.
شیاوی ئاماژه‌یه؛ گه‌شتی ئاسمانیی ژماره 3704 که گه‌شتێکی کۆمپانیای فڕۆکه‌وانیی ئاسمان بوو به 60 موسافیر و 6 خزمه‌تکاری فڕۆکه‌که کاتژمێر 8ی سه‌رله‌به‌یانیی ڕۆژی یه‌کشه‌ممه له تارانه‌وه به‌ره‌و یاسووچ فڕی و له ده‌وروبه‌ری سه‌میرومی ئیسفه‌هان که‌وته خواره‌وه.
کۆدی هه‌واڵنێر: 60104
Your Comment