به‌پێی هه‌واڵی کوردپرێس، ڕه‌زا محه‌مه‌د له گفتوگۆ له‌گه‌ڵ هه‌واڵده‌ریی "شفق نیوز"دا وتی: هێزی چه‌کداری ناسراو به "ئاڵا سپییه‌کان" له چه‌ندین ناوچه له ڕۆژهه‌ڵاتی دۆزخورماتوو له پارێزگای سه‌لاحه‌دین که هێزه ئه‌منییه‌کانی عێراق هێرشیان کردۆته سه‌ر مۆڵگه‌کانیان له به‌رچاو ون بوون.
ناوبراو هه‌روه‌ها ڕای‌گه‌یاند: نزیکه‌ی 150 کیلۆمه‌تری چوارگۆش له‌و ناوچانه که له ژێر کۆنتڕۆڵی هێزه‌کانی گرووپی "ئاڵا سپییه‌کان"دا بوو له‌وان 4 بیری نه‌وت که ئه‌و هێزانه هه‌ڵێنجانی نه‌وتی خاویان ده‌کرد، له لایه‌ن هێزه عێراقییه‌کانه‌وه ئازاد کراون.
ڕه‌زا محه‌مه‌د زیادیشی کرد: ئه‌و هێزانه وه‌کوو جنۆکه له به‌رچاو ون بوون و پاشماوه‌ی ئێسک و ژماره‌یێک توونێل و ئۆتۆمبیلی بۆمبڕێژکراو دۆزراوه‌ته‌وه که هێزه ئه‌منییه‌کان ئه‌و ئۆتۆمبیلانه‌یان ته‌قاندۆته‌وه.
کۆدی هه‌واڵنێر: 60104
Your Comment