شاندی ئیمرالی لە ئەنقەرە لەگەڵ یەڵماز تونج وەزیری دادی توركیا كۆ بووەوە و هەموارە یاساییەكان و دۆخی زیندانیان تەوەری سەرەكیی کۆبوونەوەکە بووە.
یەڵماز تونچ، وەزیری دادی تورکیا، سەبارەت بە بڕیارە یەکلاکەرەوەکەی دادگای مافی مرۆڤی ئەورووپا (AİHM) لەبارەی سەلاحەددین دەمیرتاشەوە، ڕایگەیاند: "بڕیارەکە لەبەردەم دادگایە، هەموومان پێکەوە چاوەڕێ دەکەین".
دادگای ئەورووپا تانەیەكی توركیای بۆ مانەوەی دەمیرتاش لە زیندان رەتكردەوە و بەمشێوەیە بڕیاری ئازاد کردنی دەمیرتاش وەکوو خۆی مایەوە.
بڕیاربوو پاشنیوەڕۆی ئەمڕۆ شاندی ئیمراڵی و وەزیری دادی تورکیا لەبارەی ژمارەیێک داواکاریی شاندەکە کۆببنەوە، بەڵام پارتی دەم رایگەیاند، کۆبوونەوەکە دواخراوە.
