ڕاپۆرتێکی نوێی پشکنەری گشتیی ئەمریکا زانیاریی لەبارەی دۆخی هەرێمی کوردستان و هێزەکانی پێشمەرگە لە سێ مانگی سەرەتای ساڵی ۲۰۲۶ـدا ئاشکرا دەکات.
لە کاتێکدا هەرێمی کوردستان هێشتا وەک یەکێک لە گرنگترین هاوپەیمانەکانی ئەمریکا لە عێراقدا ئەژمار دەکرێت، سڕینەوەی بەشێکی زۆری بوودجەی پێشمەرگە لە پڕۆژەیاسای نوێی پنتاگۆندا، ئەوە نیشان دەدات کە واشنتۆن خەریکی پێناسەکردنەوەی ڕۆڵی ئەمنیی خۆیەتی لە عێراق و بە شێوازێکی پلەبەندی پابەندییەکانی لە ناوچەکەدا کەم دەکاتەوە.
وەزارەتی بەرگری ئەمریكا بڕِیاریداوە هاوكارییە داراییەكانی بۆ هێزە ئەمنییەكانی عێراق بە رێژەی زیاتر لە ۴۰% كەم بكاتەوە، لەو چوارچێوەیەشدا ئەگەری ڕاگرتنی هاوكارییە داراییەكانی ئەمریکا بۆ هێزی پێشمەرگە هەیە.
