جەنگیز چاندار دەڵێت لەچەند كاتژمێری داهاتوودا یان چەند ڕۆژی داهاتوودا دەمیرتاش ئازاد دەكرێت، قسەكە ئەردۆغان پەیامێک بوو بۆ دادگای ئەنقەرە بۆ جێبەجێ كردنی بڕیارەكەی دادگای مافی مرۆڤی ئەورووپا.
سەرۆک کۆماری تورکیا لەبارەی بڕیارە نوێیەکەی دادگەی مافی مرۆڤی ئەورووپا سەبارەت بە ئازادکردنی سەلاحەدین دەمیرتاش، کە ۹ ساڵە لە ئەدیرنە زیندانیکراوە رایگەیاند، "دەسەڵاتی دادوەری چی بڵێت، پابەندی دەبین".
دادگای ئەورووپا تانەیەكی توركیای بۆ مانەوەی دەمیرتاش لە زیندان رەتكردەوە و بەمشێوەیە بڕیاری ئازاد کردنی دەمیرتاش وەکوو خۆی مایەوە.
