کوردپرێس:

سەر لەبەیانیی ڕۆژی شەمە 11ی کانوونی دووهەمی 2020 عادل عەبدولمەھدی سەرۆك وەزیرانی كاربەڕێكەری عێراق، بە سەردانێكی فەرمی لە رێگەی فڕۆكەخانەی نێودەوڵەتیی ھەولێر گەیشتە ھەولێر. بڕیاریشە دوانیوەڕۆی ئەمڕۆ سەردانی شاری سلێمانی بكات و چەند كۆبوونەوەیێک لەگەڵ بەرپرسانی یەكێتی و گۆڕان ئەنجام بدات.

عەبدولمەهدی پاش کۆبوونەوەی لەگەڵ نێچیرڤان بارزانی سەرۆکی هەرێمی کوردستان و مەسروور بارزانی سەرۆکی حکوومەت، لەگەڵ مەسعوود بارزانی سەرۆکی پارتی دیموکراتی کوردستانیش دیداری کرد.

تەلەڤزیۆنی كوردستان24 ڕایگەیاند بارودۆخی عێراق و ناوچەكە و پەیوەندییەكانی نێوان ھەولێر و بەغدا تەوەری گفتوگۆی نێوان مەسعوود بارزانی و عادل عەبدولمەهدی بووە.