بەپێی هەواڵی کوردپرێس محەمەد عەلی حەیدەری بەڕێوەبەری ئیدارەی کشتوکاڵی ئەیوان ڕایگەیاند هەزار هێکتار (4000 دۆنم) کۆی ڕووبەری باخەکانی شاری ئەیوانە کە لەو ڕێژەیە 420 هێکتار بەرانبەر بە 1680 دۆنم بە باخەمێو کراوە.

بەڕێوەبەری ئیدارەی کشتوکاڵی ئەیوان زیادی کرد لە کۆی ئەو باخەمێوانەی ئەیوان سێ هەزار و 500 تەن ترێ بۆ ئەمساڵ بەرهەم دێت.

ناوبراو گوتیشی بەنیاز بە تەواوکردنی پڕۆژەی گەیاندنی ئاو بۆ زەویوزاری ناوچەکە ڕووبەری باخەکانی ئەیوان فراوان بکەن.

کۆی زەویوزاری شاری ئەیوان بۆ کشتوکاڵ دەگاتە 18 هەزار هێکتار (72 هەزار دۆنم) کە لەو ڕێژەیە هەزار هێکتاری بە باخ کراوە و 17 هەزار هێکتاریش بەروبوومەکانی دیکەی تێدا بەرهەم دێت.