بەپێی هەواڵی کوردپرێس، محەمەدعەلی قەراملکی بە هەواڵنێرانی ڕاگەیاند: لەکاتی سەردانی پارێزگاری هەولێر بۆ ئازەربایجانی ڕۆژاوا یەکێک لە خاڵەکانی لێکتێگەیشتننامەی نێوانمان دامەزراندنەوەی گەشتی ڕاستەوخۆی ئاسمانی لەنێوان ورمێ-هەولێر بوو کە ئەمەش بە ئاوڕدانەوەی لە دەفرایەتییە بەربڵاوەکانی پارێزگا خرایە ئەولەویەتەوە.

ناوبراو درێژەی دا: دەستپێکردنی گەشتی ڕاستەوخۆ لەنێوان فڕۆکەخانەی ورمی بۆ هەولێر یەکێک لە داخوازییەکانی خەڵکی ئازەربایجانی ڕوژاوایە و بە ئاوڕدانەوە لە بەدواداچوونەکان یەکەم گەشت 13ی پووشپەڕ ئەنجام دەدرێت.