به‌پێی هه‌واڵی کوردپرێس، سه‌رله‌به‌یانیی ئه‌مڕۆ چوارشه‌ممه 6ی ئاداری 2019 سه‌رچاوه سیاسییه‌کان ڕایان‌گه‌یاند که هه‌فته‌ی داهاتوو په‌رله‌مانی هه‌رێمی کوردستان کۆبوونه‌وه‌یێک ساز ده‌کات که تێیدا په‌رله‌مانتارانی فراکسیۆنی یه‌کێتیی نیشتیمانیی کوردستان ئاماده ده‌بن و کۆتایی به بایکۆت‌کردنی کۆبوونه‌وه‌ی په‌رله‌مان دێنن.
سه‌رچاوه ئاماژه‌پێکراوه‌کان که ناوه‌کانیان نه‌درکێندراوه ڕایان‌گه‌یاندوووه: کۆبوونه‌وه‌ی هه‌فته‌ی داهاتووی په‌رله‌مانی کوردستان ده‌رباره‌ی هه‌موارکردنه‌وه‌ی یاسای سه‌رۆکایه‌تیی هه‌رێمی کوردستان ده‌بێت بۆ ئه‌وه‌ی جارێکی‌تر ئه‌و پۆسته کارا بکرێته‌وه و دواتریش هه‌رچی زووتر سه‌رۆک وه‌زیرانی نوێی هه‌رێمی کوردستان کابینه‌که‌ی پێکبهێنێت.
ئه‌وه له حاڵێکدا که ڕۆژی دووشه‌ممه 4ی ئاداری 2019 پارتی و یه‌کێتی ڕێککه‌وتننامه‌یێکی سیاسیی گشتگیریان واژۆ کرد له‌باره‌ی پێکهێنانی حکوومه‌تی نوێی هه‌رێمی کوردستان، به‌شداری له کۆبوونه‌وه‌کانی په‌رله‌مانی هه‌رێم و وه‌رگرتنی پۆستی پارێزگاری نه‌وتخێزی که‌رکووک له باکووری عێراق و وه‌زیری داد له ده‌وڵه‌تی فیدڕاڵ.
سه‌رچاوه: شه‌فه‌ق نیووز
کۆدی هه‌واڵنێر: 60103
Your Comment