بەپێی هەواڵی کوردپرێس، وەزارەتی تەندروستیی حکوومەتی هەرێمی کوردستان لە راگەیەندراوێکدا ئاماری 24 سەعاتی رابردووی کۆرۆنای لە هەرێمی کوردستان خستەڕوو و بەگوێرەی راگەیەندراوەکە لەماوەی 24 سەعاتی رابردودا 2 هەزار و 858 پشکنینی نوێ ئەنجام دراون و بەپێی ئەنجامەکان ژمارەی تووشبووانی نوێی کۆرۆنا زیاتربووە لەو تووشبووانەی لە ڤایرۆسەکە چاک بوونەتەوە بەشێوەیەک 134 تووشبووی نوێی کۆرۆنا تۆمارکراون و 83 تووشبووش چاک بوونەتەوە.

ئەوەش لەکاتێکدایە کە ماوەی چەند مانگێکە تۆماری رۆژانەی ژمارەی تووشبووانی نوێ کەمتر بووە لەوانەی ڤایرۆسەکە چاک بوونەتەوە.

وەزارەتی تەندروستی هەرێم ئاماژەی بەوەش داوە کە لەماوەی 24 سەعاتی رابردوودا سێ تووشبووی دیکەی کۆرۆنا گیانیان لەدەست داوە: 2 لە سلێمانی، 1 لە دهۆک.