به‌پێی هه‌واڵی کوردپرێس، سه‌رچاوه‌یێکی ئاگادار له هاوپه‌یمانیی نه‌سر ڕای‌گه‌یاند: فالیح فه‌یاز و 20 له كه‌سه نزیكه‌كانی، كه له لیستی نه‌سری حه‌یده‌ر عه‌بادی بوون، كشاونه‌ته‌وه و ئاماده‌ن نین پشتگیری سه‌رۆكی لیسته‌كه‌یان بكه‌ن بۆ وه‌رگرتنه‌وه‌ی پۆستی سه‌رۆک وه‌زیران.
هه‌ر به‌پێی سه‌رچاوه‌كه، به‌هۆی ئه‌و دۆخه‌ی عه‌بادی تێكه‌وتوووه و نزیكه‌ی نیوه‌ی ده‌نگی په‌رله‌مانتاره ده‌رچوووه‌كانی له لیسته‌كه‌ی خۆی له‌ده‌ست داوه چانسی ئه‌وه‌ی كه‌م بوووه‌ته‌وه كه ببێته‌وه به سه‌رۆک وه‌زیران.
ئه‌مه له كاتێكدایه لیسته‌كه‌ی عه‌بادی له هه‌ڵبژاردنی 12ی ئایاری رابردووی په‌رله‌مانی عێراق 44 كورسی برده‌وه كه چاوی له‌سه‌ر ئه‌وه‌یه جارێكی‌تر و بۆ خولی نوێ پۆستی سه‌رۆک وه‌زیران وه‌ربگرێته‌وه.
سه‌رچاوه: شارپرێس
کۆدی هه‌واڵنێر: 60103
Your Comment