بەپێی هەواڵی کوردپرێس، دژەتیرۆری کوردستان لە ڕاگەیێندراوێکدا پێشنیوەڕۆی ئەمڕۆ رایگەیاند: "درۆنەکە بۆمبڕێژکراو بووە. لە لایەن میلیشیا لەیاسادەرچووەکانەوە ئاراستەی بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی نێودەوڵەتیی هەولێر کرابوو، تێکشکێندرا و خرایە خوارەوە."

هێرشی گرووپە چەکدارەکان لەدوای هێرشەکانی ئیسرائیل بۆ سەر کەرتی غەززە لە دژی بنکەکانی ئەمریکا و هاوپەیمانیی نێودەوڵەتی لە عێراق، سووریا، هەرێمی کوردستان و کوردستانی سووریا دەستیپێکردووە.