نووسینگه‌ى راگه‌یاندنى حه‌یده‌ر عه‌بادى سه‌رۆك وه‌زیرانى عێراق، بڵاوی كردووه‌ته‌وه، عه‌بادى ئه‌مڕۆ پێشوازیی كردووه له به‌رهه‌م ساڵح، سه‌رۆكى هاوپه‌یمانى دیموكراسى و دادپه‌روه‌رى.
ئاماژه به‌وه كراوه، له دیدارێكدا دۆخى سیاسى و ساخته‌كارییه‌كانى هه‌ڵبژاردن تاوتوێ كراوه، هاوكات به‌رهه‌م ساڵح پشتیوانى خۆى راگه‌یاندووه بۆ بڕیاره‌كه‌ى ئه‌مڕۆى حكوومه‌تى عێراق تایبه‌ت به په‌سه‌ندكردنى پێشنیاره‌كانى لیژنه‌ى لێكۆڵینه‌وه‌ى حکوومەت له ساخته‌كارییه‌كان .
هاوکات ئه‌نجومه‌نى وه‌زیرانى عێراق، بڕیاری دا به په‌سه‌ندكردنى ئه‌و ئه‌نجامانه‌ى لیژنه‌ى لێكۆڵینه‌وه له راستییه‌كان له‌سه‌ر ساخته‌كارى ئه‌نجامى هه‌ڵبژاردنه‌كان پێى گه‌یشتبوو.
کۆدی هەواڵنێر: 60101
Your Comment