تەواوکردنی ژێرخانە نوێیەکانی گاز لە هەرێمی کوردستان، تەنیا دەستکەوتێکی ئابووری نییە؛ بەڵکوو ئەم پڕۆژانە دەتوانن پێگەی هەولێر لە هاوکێشەکانی وزەی عێراقدا بەهێز بکەن، ڕۆڵی هەرێم لە دابینکردنی کارەبای وڵاتدا زیاد بکەن و وەرزێکی نوێ لە ڕکابەرییە جیۆپۆلیتیکییەکان لە دەوروبەری بازاڕی وزەی عێراقدا تۆمار بکەن.
ماڵپەڕی «میدل ئیست مانیتۆر» لە شیکارییەکدا ئاماژەی بەوە کردووە کە پاش کەمبوونەوەی پشتبەستنەوەی ئەورووپا بە گازی ڕووسیا دوای جەنگی ئۆکرانیا، هێشتا کێشەی ئاسایشی وزەی ئەم کیشوەرە چارەسەر نەبووە و دۆزینەوەی سەرچاوەی نوێ و جۆراوجۆر هێشتا یەکێکە لە ئەولەویەتە ستراتیژییەکان.
