لە کاتێکدا حکوومەتی سووریا باس لە زیادبوونی هەمەجۆریی نەتەوەیی و ئاینی لە پەرلەماندا دەکات، نەبوونی هیچ کەسایەتییەکی سەر بە هێزەکانی سووریای دیموکرات (هەسەدە) ئەوە نیشان دەدات کە بەڕێوبەرایەتیی خۆسەری کوردان هێشتا هیچ پشکێکی لە پێکهاتەی سیاسیی نوێی دیمەشقدا نییە.
لیستی ناوی ئەو ۷۰ ئەندامەی پەرلەمان بڵاوکرایەوە کە لەلایەن سەرۆکی سووریاوە بۆ سێیەکی تەواوکەری پەرلەمان دەستنیشان کراون، لە نێویاندا تەنها دوو کورد لە هەن.
لە هەڵوێستێکی توند و هاوبەشدا، دە پارتی سیاسی لە کوردستانی سووریا ڕاگەیەندراوێکی ناڕەزایەتییان بڵاوکردەوە و تێیدا دیاریکردنی تەنها چوار کورسی بۆ نوێنەرانی کورد لە کۆی ٢١٠ کورسی بە "پیلانێکی ڕەگەزپەرستانە" وەسف دەکەن.
