ڕەستگار یووسفی، نوێنەری ناوچەی هەورامان (پاوه، جوانڕۆ، سەلاسی باوەجانی و ڕوانسەر) و سەرۆکی کۆمەڵەی نوێنەرانی پارێزگای کرماشان، لە گفتوگۆ لەگەڵ ئاژانسی "کوردپرێس" جەختی لەسەر پێویستی بەکارهێنانی توانای سنوورەکانی هەورامان بۆ هاوردەکردنی کاڵا بنەڕەتییەکان لە هەلومەرجی گەمارۆدا کردەوە و ڕایگەیاند: "بەهۆی دەستڕاگەیشتنی گونجاوی سنوورەکانی 'شوشمێ' و 'شێخ سەڵە' بە پارێزگاکانی سلێمانی و هەڵەبجە، و هەروەها بەهۆی هەماهەنگی و پەیوەندییە زۆر باشەکانی هەرێمی کوردستان لەگەڵ ئێراندا، سنوورەکانی هەورامان دەتوانن ڕۆڵێکی زۆر گرنگ و ستراتیژی لە دابینکردنی پێداویستییە سەرەکییەکان و جێگیرکردنی ئاسایشی خۆراک لە ڕۆژاوای ئێراندا بگێڕن و ببێتە هۆی گەشەپێدانی تەواوی ناوچەکە."
