هاوپەیمانیی نوێی نێوان یەکێتیی نیشتمانیی کوردستان و جووڵانەوەی نەوەی نوێ، هاوکێشە سیاسییەکانی هەرێمی کوردستانی بردووەتە قۆناغێکی نوێوە. ئەم هاوپەیمانێتییە، گەرچی دەکرێت بۆ یەکەمجار باڵادەستیی پەرلەمانیی پارتی دیموکراتی کوردستان بخاتە بەردەم تەحەددییەکی ڕاستەقینەوە، بەڵام هاوکات مەترسیی قووڵبوونەوەی دوو جەمسەریی سیاسی و دامەزراوەیی نێوان هەولێر و سلێمانیش زیاتر دەکات.
