دوو کۆمپانیای گەورەی نەوتی «بی پی»ی بەریتانی و «کۆنۆکۆفیلیپس»ی ئەمریکی لە چوارچێوەی هاوبەشییەکی نوێدا، پەرەپێدانی یەکێک لە گرنگترین کێڵگە نەوتییەکانی عێراق لە کەرکووک دەگرنە ئەستۆ. ئەم پڕۆژە ٢٥ ملیار دۆلارییە، جگە لە ئامانجە ئابوورییەکانی، نیشاندەری هەوڵەکانی بەغدایە بۆ زیادکردنی پێگەی کۆمەڵگا نەوتییەکانی ڕۆژاوا لە پیشەسازیی وزەی عێراقدا و کەمکردنەوەی هەژموونی کۆمەڵگاکانی چین.
سڕینەوەی ماددەی ١٤٠ لە کارنامەی حکوومەتی نوێی عێراق، جارێکی دیکە داهاتووی کەرکووک و ناوچە جێناکۆکەکانی نێوان بەغدا و هەولێری خستووەتە ناو تەمومژی نادیارییەوە؛ دۆخێک کە بە بڕوای چاودێران، بێ ڕێککەوتنی سیاسی نێوان کورد و حکوومەتی ناوەندی، هیچ چارەسەرێکی بۆ بەدی ناکرێت.
محەممەد سەمعان کەنعان، وەک پارێزگاری نوێی کەرکووک لە بەردەم سەرۆکی دادگەی پارێزگاکە سوێندی یاسایی خوارد و بە فەرمی دەستبەکاربوو.
