بەشی عێراق و هەرێمی کوردستان- گۆڕانکاری لە هەرێمی کوردستان لە ئانوساتدایە و ئەمەش ئەنجامی ئەدای سەرکردەی حزبە نەریتییەکانە کە جەرەسی کۆتایی تەمەنی سیاسیی خۆیانیان لێداوە. جێبەجێ کردنی یاساکانی عێراق فیدراڵ کە داواکاریی خەڵک بە تایبەت گەنجانی دژە دەسەڵاتی کەمینەی سیاسی و ئابووریی دەسەڵاتدار لە هەرێمی کوردستانن، چارەنووسێکی سەدلەسەدیی بەرەوڕووی سەرکردەکانی هەرێم کردۆتەوە کە ڕێگایێک جگە لە قبووڵ کردنیان نییە و دەبێت دان بەو داواکارییە دژوارەدا بنێن.
بەشی عێراق و هەرێمی کوردستان- ئه‌ندامی په‌رله‌مانی کوردستان رایگەیاند، ماوەی ساڵێکە حکوومەتی هەرێم رۆژانە بڕی 950 هه‌زار لیتر بەنزین بەرهەم دەهێنێت و یەک لیتر بۆ سلێمانی نانێرێت.
