ناوەندە ئەوروپییەکان لە نامەیەکی کراوەدا بۆ حکوومەتی تورکیا، نیگەرانیی قووڵی خۆیان لە دۆخی دیموکراسی لە وڵاتە دەربڕی و هۆشدارییان دا کە دەستگیرکردن و لەکارلادانی شارەوانییە هەڵبژێردراوەکان، بەتایبەت لە ناوچە کوردنشینەکان، کە دیموکراسیی خۆجێیی لاواز کردووە و دەنگی هاوڵاتییانی کپ کردووە.
ئەمیر مام والی چاودێری سیاسی و نووسەری کوردی هەرێمی کوردستان تیشک دەخاتە سەر پێوەندییەکانی کورد لەگەڵ ئەمریکا و وڵاتانی هەرێمی و لەو بارەیەوە بە کوردپرێسی گوت: ئەمریکا لە چەندین قۆناغدا مامەڵەی نائەخلاقیی لەگەڵ کورد کردووە و دوایین نموونەشی ئەو دۆخەیە کە بە سەر کوردی سووریا هێنراوە و باشترین دەرەچەش بۆ کورد ئەوەیە کە کورد لەگەڵ دەسەڵاتی وڵاتی خۆی تەعامول بکات: هەرێم لەگەڵ بەغدا؛ کوردی تورکیا لەگەڵ ئەنقەرە کە بڕیاری عەبدوڵا ئوجەلانیش هەر بەو ئاراستەیە دەرکراوە؛ کوردی سووریا لەگەڵ دەسەڵاتی ناوەند و کوردی ئێرانیش بە هەمان شێوە.
