لە ڕۆژانی ڕابردوودا کە هەمووان چاویان لەسەر شاشەکان بوو بۆ ئاگاداربوون لە دواهەمین پەرەسەندنەکانی سووریا، دیداری نێوان ڕێزدار نێچیرڤان بارزانی، سەرۆکی هەرێمی کوردستان و ئیلۆن ماسکی کەسایەتیی ناوداری جیهان لە بواری پێشکەوتنی تەکنۆلۆژیا و ئابووریدا سەرنجی ڕاکێشام. بەم دیدارەوە کورد ئەوەی پیشانی هەموو جیهان دا کە، چ لە ڕابردوودا و چ ئێستاش، ئەو نەتەوەیەی ڕۆژهەڵاتی ناوەڕاستە کە توانیویەتی بە کردەوە و لە ناو دونیایەک بەربەستی کەڵەکەبوودا شێلگیرانە جێگە و پێگەی خۆی نەک هەر لە هاوکێشە سیاسییەکاندا مسۆگەر بکات بەڵکوو تەنانەت هەوڵی ئەوەش بدات لە زانست و تەکنەلۆژیاشدا بچێتە نێو نەخشەی گۆڕانکارییەکانەوە، ئەویش تا ئەو ئاستەی کە تەنانەت لە ساتە هەستیارەکانیشدا بیر لە دواڕۆژی پڕشنگدار و گەشەپێدان بکاتەوە.
