به‌پێی هه‌واڵی کوردپرێس، ئارام شێخ محه‌مه‌د له به‌یاننامه‌یێکدا ڕای­گه‌یاند: له پڕۆژه‌یاسای بودجه‌ی گشتیی 2018ی عێراق پشکی هه‌رێمی کوردستان دابه‌زیوه و ئه‌و پڕۆژه‌یاسایه له نه‌بوونی نوێنه‌ری پارته کوردستانییه‌کان له په‌رله‌مانی عێراق په‌سه‌ند کراوه.
ناوبراو زیادیشی کرد: پارته کوردستانییه‌کان دژایه‌تییان له‌گه‌ڵ ئه‌م پڕۆژه‌یاسایه کردووه به‌ڵام دواجار ناچارن قبووڵی بکه‌ن.
ئارام شێخ محه‌مه‌د سه‌باره‌ت به هۆکاری قبووڵ کردنی به‌شه‌بودجه‌ی هه‌رێمی کوردستان له‌لایه‌ن پارته کوردستانییه‌کانه‌وه ڕوونی کرده‌وه: داهاتی ئێستای هه‌رێم به هۆی داخرانی ده‌روازه سنوورییه‌کان و دابه‌زینی داهاتی نه‌وت بۆ پێداویستییه‌کان به‌س نییه و بۆیه پارته کوردستانییه‌کان ناچارن ئه‌و به‌شه بودجه‌یه قبووڵ بکه‌ن.
سه‌رچاوه: هه‌واڵده‌ریی "بغداد نیوز"
کۆدی هه‌واڵنێر: 60104
Your Comment