مزگەوتێک بە قەبارەیەکی کەم وێنە لە هەرێمی کوردستاندا، زیاتر لەوەی پەیوەندی بە ئایینەوە هەبێت، پەیوەندی بە جۆرە تێڕوانینێکەوە هەیە بۆ دەسەڵاتداری و لێکچوونی لەگەڵ مۆدێلی دەوڵەتانی کەنداودا.
سەلاحەدین خەدیو، نووسەر و شرۆڤەکاری سیاسیی کورد، لە یاداشتێکدا کە لە کەناڵی تایبەتیی خۆی «شارنامە» بڵاو کراوەتەوە، پڕۆژەی دروستکردنی «مزگەوتی گەورەی بارزانی» لە هەولێر تەنیا وەک پڕۆژەیەکی ئاوەدانی یان ئایینی نابینێت؛ بەڵکوو هاوپەیوەند لەگەڵ گۆڕانکارییە ناوخۆییەکانی هەرێمی کوردستان، گۆڕانکارییە کۆمەڵایەتییەکان، ململانێ حزبییەکان و وەرچەرخانە جیۆپۆلەتیکییەکانی ناوچەکەوە لێکیدەداتەوە.
