دڵشاد مەجید ڕۆژنامەنووس و شرۆڤەکاری دیاری ڕۆژهەڵاتی ناوەڕاست، لە گفتوگۆی تایبەتی خۆیدا لەگەڵ کوردپرێس، دۆخی ئێستای شەڕی غەززە و کاریگەرییەکانی ئەو شەڕەی لەسەر ئامادەبوونی ئەمریکا لە ناوچەکە تاوتوێ کردووە. ناوبراو جەخت لە یەکلایی کردنەوەی پرسی فەلەستین و پێوەندیی ئەو پرسە لەگەڵ گۆڕانکارییەکانی داهاتووی ڕۆژهەڵاتی ناوین، بەتایبەتی ڕۆڵی ئێران، ڕووسیا و چین لە ئاڕاستە ژیێۆپۆلۆتیکەکاندا دەکاتەوە. هەروەها شرۆڤەیەک لەبارەی گۆڕینی سیاسەتی ئەمریکا لە سەردەمی ئیدارەی ترەمپ و دابەزینی دەسەڵاتی ئەو وڵاتە لە ناوچەکە لەبەرامبەر هێزە نوێکان دەخرێتە بەر باس.
لە پەنێلێکی تایبەتدا کە لە ئاژانسی کوردپرێس بەڕێوەچوو، دڵشاد مەجید، ڕۆژنامەنووس و چاودێری دیاری سیاسی کوردی دانیشتووی وڵاتی سوید، پێداچوونەوەی بە پێشهاتە ناوچەیی و جیهانییەکان کرد. لەم پانێلەدا تیشکی خستە سەر شەڕی ئۆکرانیا، هەژموونی ئێران، ئامادەبوونی ئەمریکا لە ڕۆژهەڵاتی ناوەڕاست و ڕۆڵی بریکس لە ئابووری جیهانیدا و جەختی لەوە کردەوە کە ململانێ ئابووری و ژیۆپۆلەتیکیەکان ڕوومەتێکی نوێیان داواتە دووجەمسەرگەری جیهانی.
