-
نوێنەری پارتی یەکسانی و دیموکراسیی گەلان:
شکستی پڕۆسەی ئاشتی لەگەڵ کورد، هەرەسی سیاسیی ئەردۆغانی بەدواوەیە
چەنگیز چاندار، نوێنەری پارتی یەکسانی و دیموکراسیی گەلان ڕایگەیاند کە پڕۆسەی ئاشتیی ئێستا لە تورکیا گەیشتووەتە قۆناغێک کە گەڕانەوە لێی زۆر دژوار بووە و لە ئەگەری هەرەسهێنانی ئەم پڕۆسەیەدا، ڕەجەب تەیب ئەردۆغانیش ڕووبەڕووی پێگەی سیاسیی خۆی دەبێتەوە.
-
داهاتووی لێڵی کەرکووک؛ ئایا کورد بۆ جێبەجێکردنی ماددەی ١٤٠ دەبێت «چاوەڕێی موعجیزە» بێت؟
سڕینەوەی ماددەی ١٤٠ لە کارنامەی حکوومەتی نوێی عێراق، جارێکی دیکە داهاتووی کەرکووک و ناوچە جێناکۆکەکانی نێوان بەغدا و هەولێری خستووەتە ناو تەمومژی نادیارییەوە؛ دۆخێک کە بە بڕوای چاودێران، بێ ڕێککەوتنی سیاسی نێوان کورد و حکوومەتی ناوەندی، هیچ چارەسەرێکی بۆ بەدی ناکرێت.
-
ئامانجەکانی تورکیا لە گۆڕینی هەڵوێستی بەرامبەر بە کورد و ناوچەکە
بەپێی ڕاپۆرتێکی گۆڤاری "نەشیناڵ ئینترست"، ئامانجی سەرەکیی دانوستانەکانی نێوان تورکیا و کوردی ناوخۆی ئەو وڵاتە، کەمکردنەوەی گرژیی سیاسیی ناوخۆیی و فراوانکردنی هاوپەیمانیی سیاسیی ئەردۆغانە بۆ قۆناغی دوای ساڵی ٢٠٢٨. هەرچەندە ئەم پڕۆسەیە وەک هەوڵێک بۆ کۆتاییهێنان بە ململانێی درێژخایەنی نێوان دەوڵەت و پەکەکە دەخرێتە ڕوو، بەڵام پێدەچێت ئامانجە ڕاستەقینەکانی ئەردۆغان لە ئاشتەواییەکی سادە قووڵتر بن و زیاتر پەیوەندییان بە بەرژەوەندییە سیاسییە کەسییەکانی خۆیەوە هەبێت.
-
ناکۆکیی بەرپرسانی ئەمریکی لەسەر درێژەی پاڵپشتیی سەربازی لە هێزی پێشمەرگە
لە کاتێکدا مشتومڕەکان لە کۆنگرێسی ئەمریکا سەبارەت بە کەمکردنەوەی بودجەی بەرەنگاربوونەوەی داعش توندتر بوونەتەوە، بەرپرسێکی باڵای پێنتاگۆن، هێزە کوردییەکانی عێراقی وەک «شیاوترین هاوبەش»ی واشنتۆن لە ناوچەکەدا وەسف کرد و جەختی لەسەر پێویستیی بەردەوامبوونی پاڵپشتیی سەربازی و ئەمنیی هێزەکانی پێشمەرگە کردەوە.
-
جێگری پارێزگاری سنە بۆ کاروباری ئاوەدانکردنەوە:
دوای دوو ساڵ لە بەدواداچوون، هێڵی شەمەندەفەری سنە - مەشهەد بە شێوەی ئەزموونی دەکەوێتە کار
جێگری پارێزگاری سنە دەڵێت، لە هەفتەی داهاتووەوە هێڵی شەمەندەفەری سنە - تاران - مەشهەد بە شێوەی ئەزموونی دەستبەکار دەبێ.