بەپێی هەواڵی کوردپرێس، ئەمڕۆ چوارەم ڕۆژی دەستپێکی ساڵی نوێی خوێندن لە قوتابخانە سەرەتاییەکانی باکوور و ڕۆژهەڵاتی سووریایە و نزیک لە 4777 قوتابخانەی سەرەتایی لەم ناوچەیەدا دەستیان بەکار کردووە.
بەوتەی سەمیرا حاجی محەمەد بەرپرسی پەروەردەی کانتۆنی جزیرە ئەمساڵ هەماهەنگیی زیاتر هەیە لەنێوان وەزارەتی پەروەردە و قوتابخانەکاندا بۆ دەستپێکردنی ساڵی خوێندنی نوێ لە باکوور و ڕۆژهەڵاتی سووریا و هەموو ئامادەکارییەکان بۆ دابین کردنی کتێب، پێنووس، لێنووس و دیکەی پێداویستییەکانی خوێندن کراوە.
ئەم بەرپرسە کوردە بە کوردپرێسی وت: لە قوتابخانەکانی باکووری سووریا هەر پێکهاتەیێکی قەومی وانەکان بە زمانی دایکیی خۆیان و زمانی عەرەبی دەخوێنن و دیکەی زمانەکانیش بەپێی پێویست فێر دەکرێن.
کۆدی هەواڵنێر: 60113
Your Comment