بەپێی هەواڵی کوردپرێس، وەزارەتی بەرگریی تورکیا لەبارەی وردەکارییەکانی ئۆپەراسیۆنی چنگ کە لە 27ی ئایاری 2019وە دەستی پێکردووە بەیاننامەیێکی فەرمی بڵاو کردۆتەوە و ڕایگەیاندووە: تا ئێستا 61 چەکداری پەکەکە لە چوارچێوەی ئەم ئۆپەراسیۆنانەدا کوژراون، 110 بۆمبی دەستکرد پووچەڵ کراوەتەوە و 151 بنکە و بارەگا و هەمار تەقێندراوەتەوە.

هەروەها لە بەیاننامەکەدا ئاماژە بە دۆزینەوە و دەست بەسەردا گرتنی چەک و تەقەمەنیی هێزەکانی پەکەکە کراوە هاتووە: لە درێژەی ئەم ئۆپەراسیۆنەدا 18 چەکی جۆری AK-47 و 11هەزار و 958 گوللەی AK-47، تفەنگێکی ئۆتۆماتی دووچکا، 24 بۆمبی دەستکرد، 4 هەزار و 364 گوللەی Bixi و 3 هەزار و 362 کیلۆ مادەی تەقینەوەی دەستی بەسەردا گیردراوە.

شایانی باسە وەزارەتی بەرگریی تورکیا ئاماری کوژراوەکان و خەسارەکانی هێزەکانی خۆی لەم ئۆپەراسیۆنەدا بڵاو نەکردووەتەوە.

سەرچاوە: هابر7

کۆدی هەواڵنێر: 60113