به‌پێی هه‌واڵی کوردپرێس، سه‌زایی ته‌مه‌لی هاوسه‌رۆکی پارتی دیموکراتی گه‌لان (HDP) باس له چالاکیی مانگرتنی زیندانه‌کانی تورکیا ده‌کات به بۆنه‌ی ناڕه‌زایه‌تی‌ده‌ربڕین به گۆشه‌گیریی سه‌ر عه‌بدوڵڵا ئۆجه‌لان ڕێبه‌ری زیندانی‌کراوی په‌که‌که و ڕای‌ده‌گه‌یێنێت: 150 ڕۆژه له‌یلا گوڤه‌ن مانی له خواردن گرتووه. 150 ڕۆژه که ده‌سه‌ڵاتی سیاسیی پارتی داد و گه‌شه (AKP) بێده‌نگی نواندووه. جارێکی‌تر ڕای‌ده‌گه‌یێنم گۆشه‌گیری تاوانێک دژی مرۆڤایه‌تییه. داواکاریی ڕه‌وای گوڤه‌ن داواکاریی ئێمه‌یشه.
ناوبراو له درێژه‌ی لێدوانه‌کانیدا گوتیشی: ده‌بێ زووبه‌زوو حکوومه‌تی تورکیا داواکاریی ڕه‌وا و یاساییی گوڤه‌ن جێبه‌جێ بکات. 150 ڕۆژه که ئه‌م چالاکییه تێکڕای جیهانی گرتۆته‌وه به‌ڵام هێشتا وه‌زاره‌تی دادی تورکیا ناڕه‌زایه‌تییه‌کان نابیسێت. 7 که‌س له زینداندا گیانی خۆیانیان له‌ده‌ست دا. سه‌دان که‌س به‌ره‌وڕووی دۆخێکی خراپ و قه‌یراناوی بوونه‌ته‌وه.
سه‌رچاوه: ڕۆژنامه‌ی دیوار
کۆدی هه‌واڵنێر: 60103
Your Comment