کوردپرێس، به‌پێی ڕاپۆرته‌ بڵاو کراوه‌کان له‌ سه‌رچاوه‌ ناوچه‌ییه‌کان له‌ هێرشی هێزه‌کانی په‌که‌که‌ بۆ سه‌ر بنکه‌ی سه‌ربازیی کۆیۆ ته‌په‌ی سوپای تورکیا له‌ ناوچه‌ی ئه‌منیی بستله‌ر-ده‌ڕه‌ لوری پارێزگای شڕناخ سێ هێزی سه‌ربازیی سوپای تورکیا کوژرا و هێزێکی دیکه‌ش بریندار بوووه‌.

هێزه‌کانی په‌که‌که‌ چه‌ند کاژمێر له‌مه‌وپێش به‌ هێرش بۆ سه‌ر بنکه‌ی سه‌ربازی له‌گه‌ڵ هێزه‌کانی سوپای تورکیا پێکداهه‌ڵپژران که‌ سێ هێزی تورکیا کوژران. به‌ ناردنی هێزه‌ تایبه‌ته‌کانی به‌ره‌نگاربوونه‌وه‌ی تیرۆر بۆ ناوچه‌که‌، ئۆپه‌راسیۆن دژی هێزه‌کانی په‌که‌که‌ ده‌ستی‌پێکردوووه‌.

شیاوی ئاماژه‌یه‌ ناوچه‌ی بستله‌ر-ده‌ڕه‌لور ناوچه‌یێکی سه‌روو ئه‌منیی تورکیایه‌ که‌ ساڵه‌های ساڵه‌ وه‌کوو یه‌کێک له‌ ناوچه‌ گرینگه‌کانی په‌که‌که‌ له‌ ناوخۆی تورکیا دێته‌ ئه‌ژمار و هێزه‌کانی سوپای تورکیا له‌ چه‌ند مانگی ڕابردوو ئۆپه‌راسیۆنێکی قورسیان له‌و ناوچه‌یه‌ ئه‌نجام دابوو.

سه‌رچاوه‌: هه‌واڵده‌ریی دۆغان

کۆدی هه‌واڵنێر: 60104