بەپێی هەواڵی کوردپرێس، هەواڵدەریی فەرمیی سووریا لە پارێزگای حەلەب پاش نیوەڕۆی ئەمڕۆ دووشەممە ڕایگەیاند لە ئەنجامی هێرشەکانی ئەرتەشی توریکا و میلیشیا سووریەکانی سەر بە تورکیا بۆ سەر گوندەکانی "بربنە و تەل ئەسوەد" لە ناوچەی عەفرین ژنێک گیانی لە دەست داوە و 22 کەسی دیکەش بریندار کراون.

بەگوێرەی ئەو هەواڵدەرییە زۆرینەی بریندارەکانی ئەو هێرشانە ژن و منداڵن و دۆخی ژمارەیێک لەو بریندارانە زۆر مەترسیدارە.

زیاتر هەواڵدەریی هاوار لە ڕاپۆرتێکدا ڕایگەیاند ئەرتەشی تورڕکیا پاش نیوەشەوەی ڕابردوو گوندی قەرەتەپەی بوردوومان کردووە و لە ئاکامیدا ژنێکی تەمەن 50 ساڵ کوژرا و پیاوێکی تەمەن 60 ساڵ بریندار بووە.

ئەو هەواڵدەرییە هەروەها دەڵێت 21 کەس لە خەڵکی سڤیل بە هۆی هێرشی تورکیاوە بۆ سەر گوندی "بربنە" بریندار کراون کە لە نێوانیاندا 10 ژن و 7 منداڵ و مێرمنداڵ هەیە.

کۆدی هه‌واڵنێر: 60113