به‌پێی هه‌واڵی کوردپرێس، شاندێکی 25 که‌سی له‌ چالاکانی ژن وه‌کوو نیشانه‌یێک بۆ پاڵپشتی کردنی به‌رخۆدانه‌که‌ی YPG/YPJ له‌ به‌رانبه‌ر هێرشی چڕی سوپای تورکیا بۆ سه‌ر عه‌فرین و هه‌روه‌هاش یاد کردنه‌وه‌ی ڕۆژی 8ی مارچ ڕۆژی جیهانیی ژن له‌ ته‌نیشت هێزی ژنی به‌رخۆدانی عه‌فرین، له‌ کوردستانی عێراقه‌وه‌ گه‌یشتنه‌ باکووری سووریا.

ئه‌و شانده‌ له‌لایه‌ن ڤیدان سیدۆ، مکیا حه‌یسۆ و فریاڵ حه‌سه‌ن سێ ئه‌ندامی کوتله‌ی دیپلۆماسیی کۆنگره‌ی ستار پێشوازییان لێکرا.

له‌ نێوان شانده‌ 25 که‌سییه‌که‌ی ژنانی کوردستانی عێراق، کوردستانی سووریا و کوردستانی تورکیا ئه‌ندامانی بزووتنه‌وه‌ی گۆڕان، یه‌کێتیی نیشتمانیی کوردستان، پارتی ژنانی ئازادی کوردستان، یه‌کێتیی ژنان، چالاکانی مه‌ده‌نی و ڕۆژنامه‌نووسان ده‌بینرێن.

سه‌رچاوه‌: هاوار نیووز

کۆدی هه‌واڵنێر: 60103