به‌پێی هه‌واڵی کوردپرێس، ڕۆژی دووشه‌ممه‌ مسته‌فا عه‌بدولڕه‌حمان سه‌رۆكی یه‌كێتیی ھاورده‌ و ناردنكارانی ھه‌رێم له‌ لێدوانێکی ڕۆژنامه‌وانیدا ڕای‌گه‌یاند: "له‌ ساڵی ٢٠١٧دا توركیا به‌ بڕی ١٠ ملیار دۆلار و ئێران به‌ بڕی ٥ ملیار دۆلار كاڵا و شتومه‌كیان ھه‌نارده‌ی ھه‌رێم كردوووه‌".

مسته‌فا عه‌بدولره‌حمان ئاماژه‌ی به‌وه‌ش داوه:‌ "به‌ھۆی داخستنی ده‌روازه‌ سنوورییه‌كان ھاورده‌ كردنی كاڵا و پێداویستی له‌ سنووره‌كانی ئێرانه‌وه‌ كه‌می كردوووه‌ به‌ڵام له‌ ده‌روازه‌كانی توركیاوه‌ ڕێژه‌كه‌ ٤٠% زیادیی كردوووه‌".

سه‌رۆكی یه‌كێتیی ھاورده‌ و ناردنكارانی ھه‌رێم ئه‌وه‌شی وتوووه‌: "ھه‌ر دوو وڵاتی توركیا و ئێران له‌ ساڵانی ڕابردوودا به‌ بڕی ١٥ ملیار دۆلار كاڵا و پێداویستیان ھه‌نارده‌ی ھه‌رێمی كوردستان ده‌كرد به جۆرێک توركیا به‌ ‌بڕی ١٠ ملیار و ئێرانیش به‌ بڕی ٥ ملیار دۆلار".

سه‌رچاوه‌: شارپرێس

کۆدی هه‌واڵنێر: 60103