به‌پێی هه‌واڵی کوردپرێس، دانا جزا سه‌رکرده‌یێکی پارتی دیموکراتیکی کوردستان له گفتوگۆ له‌گه‌ڵ ماڵپه‌ڕی هه‌واڵی "بغداد الیوم" ئاماژه‌ی دایه ئه‌وه‌ی که فه‌رمانبه‌رانی کاروباری ئاو و به‌نداوه‌کان له هه‌رێمی کوردستان به پێی ده‌ستووری عێراق سه‌ر به ده‌وڵه‌تی فیدڕاڵن و به‌غدا پێشتریش مووچه‌ی ئه‌وانی داوه، وتی: له ئێستادا پێدانی مووچه‌ی ئه‌و فه‌رمانبه‌رانه هه‌نگاوێکی ئه‌رێنییه.
ناوبراو وتیشی: هه‌موو وه‌زاره‌تخانه‌کان له هه‌رێمی کوردستان جه‌ختیان کردۆته سه‌ر ئه‌وه‌ی که پابه‌ندن به هاوکارییه‌کانی خۆیان له‌گه‌ڵ ده‌وڵه‌تی فیدڕاڵ سه‌باره‌ت به لێکدانه‌وه‌ی وردی دۆسیه‌ی فه‌رمانبه‌رانی هه‌رێم و ناساندنی مووچه‌خۆرانی نایاسایی.
دانا جزا زیادیشی کرد: ده‌وڵه‌تی فیدڕاڵ خوازیاری ئه‌وه نییه له‌گه‌ڵ حکوومه‌تی هه‌رێمی کوردستان گفتوگۆ بکات و وادیاره چاوه‌ڕوانی نێوانجیگه‌ری لایه‌نی سێهه‌می نێوان به‌غدا-هه‌ولێره، ئێمه‌ش له‌سه‌ر ئه‌و باوه‌ڕه‌ین که باشترین بژارده ئه‌نجامی گفتوگۆی ڕاسته‌قینه‌ی نێوان دوو لایه‌نه.
کۆدی هه‌واڵنێر: 60104
Your Comment