ئەحمەد سەفەری نوێنەری کرماشان لە مەجلیسی شۆرای ئیسلامی ئاماژەی کردە خۆپیشاندانی ناڕەزاییی لە چەند شاری وڵات و دەری‌بڕی: گەلی ئێمە گەلێکی ئاگا و تێگەیشتووە و ئەوان خۆیان ئەم شۆڕشەیان تا ئێستا هێناوە و هەر بۆیەش ئاژاوەچی نین، بەڵکوو هەندێک داواکارییان هەیە و بەرپرسان و کاربەدەستان دەبێ گوێڕایەڵی داواکانیان بن.
وتیشی؛ ئێمە وەکوو خزمەتگوزاری خەڵک لە مەجلیس و دەوڵەت بەدواداچوون بۆ داواکارییەکانیان دەکەین. گەلی ئێمە لە خزمەتی نیزامە و هەمیشە خۆی ئەرکی پاراستنی وڵاتی بە ئەستۆوە بووە.
سەفەری ئاماژەی بەوە دا بەشێک لە نیگەرانییەکانی خەڵک بۆ پرۆژەیاسای بووجەی ٩٧ و زۆر کردنی نرخی بەنزین و دۆخی یارانەکان دەگەڕێتەوە و لابردنی ٣٠ ملیۆن کەس لە ڕیزی یارانە و بەرز کردنەوەی نرخی بەنزین بۆ ١٥٠٠ تمەن لە هەر لیترێکدا گوشارێکی بەرچاو دەخاتە سەر شانی خەڵک.
لە کۆتاییشدا باسی لەوە کرد کە گەلی ئێمە گەلێکی ئەمەگناسە و بە پێڕەو کردنی مەنوییاتی ڕێبەرێ باڵای وڵات و ڕێنوماییە زانایانەکانیان هەوڵ دەدەن بایەخەکانی نیزام بپارێزن و قەدری بەرپرسانی نیزامیش دەزانن و هێڵی ئەم خەڵکە جیا لەوانەیە کە دەیانهەوێ ئاژاوە بگێڕن.
کۆدی هەواڵنێر: ٦٠١٠٥
Your Comment