له‌ ناوچه‌ی بوومه‌له‌رزه‌لێدراوی کرماشان مێهره‌جانێکی هونه‌ری به‌ڕێوه‌ ده‌چێت

به‌شی کرماشان- وه‌زیری فه‌رهه‌نگ و ئیرشادی ئیسلامی ئاماژه‌ی به‌ ئاماده‌کاریی ئه‌و وه‌زاره‌تخانه‌یه‌ له‌ ناوچه‌ی بوومه‌له‌رزه‌لێدراو کرد بۆ به‌ڕێوه‌ بردنی فێستیڤاڵی هونه‌ری به‌ به‌شداریی ئیتنیکه‌ جۆربه‌جۆره‌ ئێرانییه‌کان.

به‌پێی هه‌واڵی کوردپرێس، سه‌یید عه‌باس ساڵحی سه‌رله‌به‌یانیی ڕۆژی شه‌ممه‌ 9ی به‌فرانبار به‌ هه‌واڵنێرانی ڕاگه‌یاند: به‌ مه‌به‌ستی هاوخه‌می نواندن و پیشاندانی که‌لتووری ناوچه‌که‌ فێستیڤاڵێک به‌ به‌شداریی قه‌ومییه‌ته‌ جۆربه‌جۆره‌کان به‌ڕێوه‌ ده‌چێت.

ناوبراو زیادی کرد: له‌ وه‌زاره‌تی فه‌رهه‌نگ و ئیرشاد چه‌ندین پرۆژه‌مان داڕێژراوه‌ که‌ چێکردنی کۆگه‌ی فه‌رهه‌نگی- هونه‌ریی سه‌رپێڵ زه‌هاو و شاری سه‌رمه‌ست و هه‌روه‌ها نۆژه‌ن کردنه‌وه‌ی کۆگه‌ی ڕووخاوی فه‌رهه‌نگی- هونه‌ریی سه‌ڵاسی باوه‌جانی و یاریگای ئه‌زگه‌ڵه‌ له‌ نموونه‌ی ئه‌و پڕۆژانه‌یه‌.

ساڵحی گوتیشی: 7 کتێبخانه‌ی ناوچه‌که‌ خه‌ساریان لێکه‌وتوووه‌ و دوو له‌و کتێبخانانه‌ پێویستیان به‌ نۆژه‌ن کردنه‌وه‌ هه‌یه‌.

ناوبراو درێژه‌ی پێدا: وه‌زاره‌تی فه‌رهه‌نگ و ئیرشادی ئیسلامی تا ئێستا 100 به‌رنامه‌ی جۆربه‌جۆری له‌ ناوچه‌که‌ به‌ڕێوه‌ بردوووه‌.

وه‌زیری فه‌رهه‌نگ و ئیرشادی ئیسلامی سه‌باره‌ت به‌و فێستیڤاڵه‌ی بڕیاره‌ به‌ڕێوه‌ بچێت، گوتی: له‌و مێهره‌جانه‌دا بۆ ماوه‌ی 32 حه‌فته‌ فه‌رهه‌نگی ئێرانی نمایش ده‌کرێت و هاووڵاتییان هه‌موو حه‌فته‌یێک فه‌رهه‌نگی ئیتنیکێکی ئێرانی ده‌ناسن و به‌رنامه‌ی تایبه‌تی منداڵانیش یه‌ک له‌ پڕۆژه‌کانی فه‌رهه‌نگ و ئیرشادی ئیسلامی بۆ ئه‌و ناوچه‌یه‌ ده‌بێت.

ساڵحی له‌ کۆتاییدا ئه‌وه‌شی خسته‌ ڕوو هه‌ندێک پلانمان پێیه‌ بۆ ڕۆژنامه‌وانان و میدیاکارانیش که‌ خه‌ساری گیانی و دارایییان لێکه‌وتوووه‌ بۆ ئه‌وه‌ی بتوانین به‌رهه‌مه‌ فه‌رهه‌نگی و هونه‌رییه‌کانی هونه‌رمه‌ندانی ناوچه‌که‌ به‌ کار بهێنین و قه‌رزی بانکییان بۆ ته‌رخان بکه‌ین.

کۆدی هه‌واڵنێر: 60103

News Code 9844

Your Comment

You are replying to: .
captcha