به‌پێی هه‌واڵی کوردپرێس، هێشام ڕکابی، وته‌بێژی نووسینگه‌ی ڕۆژنامه‌وانیی نووری مالیکی، جێگری سه‌رۆک کۆماری عێراق له گفتوگۆ له‌گه‌ڵ هه‌واڵده‌ریی "الغدپرس"دا ڕای گه‌یاند: په‌یوه‌ندی له‌گه‌ڵ هه‌موو شه‌ریکە سیاسییەکان له عێراق، نابێت وه‌کوو هاوپه‌یمانیی نێوانیان له هه‌ڵبژاردن چاوی لێ بکرێت.
ناوبراو زیادی کرد: قۆناغی داهاتوو له عێراق قۆناغی هاوپه‌یمانی و ڕێککه‌وتن له‌گه‌ڵ لایه‌نگرانی پڕۆژەی "زۆرینه‌ی سیاسی"ی نووری مالیکی ده‌بێت.
ڕکابی جه‌ختی کرده‌وه پێکهاته‌ی ئیئتیلافه‌کان هێشتاکه نادیاره و ئه‌وه‌ی ڕوو ده‌دات سیاسه‌تێکه که مالیکی بۆ په‌یوه‌ندی له‌گه‌ڵ پارته سیاسییه‌کان په‌یڕه‌وی ده‌کات.
ناوبراو زیادیشی کرد: ئامانجی گفتوگۆی ته‌له‌فزیۆنیی ئه‌مدواییه‌ی نووری مالیکی له‌گه‌ڵ که‌ناڵێکی ته‌له‌فزیۆنیی کوردی، ناردنی په‌یامێک بۆ گه‌لی کوردستان سه‌باره‌ت به‌وه‌ی که هێشتاکه کورده‌کان به‌شێک له گه‌لی عێراق ده‌زانێت، بووه.
کۆدی هه‌واڵنێر: 60104
Your Comment