کوردپرێس: ئەمڕۆ چوارشەممە 2020/1/15 مەسروور بارزانی سەرۆکی حکوومەتی هەرێمی کوردستان، پێشوازیی لە شاندێکی باڵای بەریتانی کرد بە سەرۆکایەتی جەنەراڵ سێر جۆن لۆریمەر راوێژکاری باڵای وەزارەتی بەرگریی بەریتانیا بۆ کاروباری رۆژهەڵاتی ناوەڕاست.

لە دیدارەکەدا کە ستیفن هیکی باڵیۆزی بەریتانیا لە عێراق و جەیمس سۆرۆنتن کونسوڵی گشتی بەریتانیا لە هەولێر ئامادە بوون و دوایین گۆڕانکارییەکانی عێراق و ناوچەکە تاوتوێ کران.

لەو دیدارەدا جەخت لە هێور کردنەوەی بارودۆخی عێراق و چارەسەکردنی کێشەکان بە رێگای دایەلۆگ کرایەوە.

هەروەها ئاماژە بەوە درا کە شەڕی داعش کۆتایی نەهاتووە و پێویستە کۆمەڵگەی نێودەوڵەتی بەردەوام بێت لە هاوکاری کردنی عێراق و هەرێمی کوردستان لە رووبەڕووبوونەوەی تیرۆر.

کۆدی هەواڵنێر: 60113