به‌پێی هه‌واڵی کوردپرێس، ڕۆژنامه‌ی "China Daily" هه‌واڵێکی بڵاو کردۆته‌وه‌ سه‌باره‌ت به‌ دروست کردنی درێژترین پردی شووشه‌به‌ند له‌ ناوچه‌ى گه‌شتیاریى هۆنگیاگۆ له‌ شارۆچکه‌ى پینگشان له‌ ویلایه‌تى "هبه"‌ى چین.

لیو چیچی به‌ڕێوه‌به‌ری پڕۆژه‌ى دروست کردنى پرده‌که‌ به‌ ڕۆژنامه‌که‌ی ڕاگه‌یاندوووه‌: پرده‌که‌ ناو ده‌نێن "پردی ئاسمانی" و له‌ یه‌ک کاتدا دوو هه‌زار که‌س ده‌توانێت بچێته‌ سه‌ر پرده‌که‌ به‌ڵام له‌ جاری یه‌که‌مدا ته‌نها ڕێگه‌ به‌ ٥٠٠ که‌س ده‌درێت.

لیو گوتووشیه‌تی: "ئاستی هه‌ڵگرتنی پرده‌که‌ به‌ به‌راورد له‌گه‌ڵ ستانداردی پرده‌کانی دیکه‌ی چین سێ هێنده‌ و نیوه‌".

ساڵی ڕابردوو له‌ ویلایه‌تی هونان پردێکی شووشه‌به‌ند به‌ به‌رزی ٤٣٠ مه‌تر دروست کرابوو. هه‌رچه‌ند ده‌نگۆی ئه‌وه‌ هه‌بوو شووشه‌کانی ئه‌و پرده‌ ٢٥ هێنده‌ی شووشه‌ی ئاسایی پته‌ون به‌ڵام ته‌نها دوای دوو هه‌فته‌ درزیان تێکه‌وت.

سه‌رچاوه‌: هه‌واڵده‌ریی ئانادۆڵو

کۆدی هه‌واڵنێر: 60103