کوردپرێس:

پاش کۆتایی­هاتنی کۆنگرەی چواری یەکێتی، مەسروور بارزانی سەرۆکی حکوومەتی هەرێمی کوردستان لە پەیامێکدا پیرۆزباییی لە یەکێتی کرد و هیوای خواست کۆنگرەکە ببێتە دەرفەتێک بۆ خزمەت کردن بە پرسە نیشتمانییەکان.

مەسروور بارزانی، سەرۆکی حکومەتی هەرێمی کوردستان لە پەیامەکەیدا ئاماژەی بەوەشکردووە، هیوادارن کۆنگرەی یەکێتی ببێتە هۆی پشتیوانیکردنی زیاتری حکومەتی هەرێمی کوردستان تاوەکو پێکەوە خزمەتی شایستەتری خەڵکی هەرێمی کوردستان بکەن و داکۆکیش لە مافە دەستوورییەکان بکەن.

دەقی پەیامی پیرۆزبایی مەسروور بارزانی

پیرۆزباییی سەرکەوتنی کۆنگرەی چوارەم لە بەڕێزان ئەندامانی ئەنجومەنی باڵای سیاسی و ئەنجومەنی گشتی سەرکردایەتی و گشت ئەندامانی یەکێتی نیشتمانیی کوردستان دەکەم . هیوادارم ئەم کۆنگرەیە ببێتە دەرفەتێک بۆ خزمەتکردنی پرسە نیشتمانییەکان و هەروەها پشتیوانی زیاتری حکومەتی هەرێمی کوردستان ، بۆ ئەوەی بتوانین بەیەکەوە خزمەتێکی شایستەتری خەڵکی هەرێمی کوردستان بکەین و داکۆکیش لە مافە دەستوورییەکانمان بکەین.

مەسروور بارزانی

سەرۆکی حکوومەتی هەرێمی کوردستان

2019/12/27