کوردپرێس:
بەپێی هەواڵێکی ماڵپەڕی فەرمیی پارتی دیموکراتی کوردستان، ڕۆژی هەینی 27ی کانوونی یەکەمی 2019، نێچیرڤان بارزانی سەرۆکی هەرێمی کوردستان بە بۆنەی بەڕێوەچوونی کۆنگرەی چواری یەکێتیی نیشتمانیی کوردستان پەیامێکی بڵاو کردەوە و پیرۆزباییی لە یەکێتی کرد.
دەقی پەیامەکەی سەرۆکی هەرێمی کوردستان:
به بۆنه‌ى كۆتاییهاتن و سه‌ركه‌وتنى كۆنگره‌ى چواره‌مى یه‌كێتیى نیشتمانیى كوردستانه‌وه، به گه‌رمى پیرۆزبایى له یه‌ك به یه‌كى ئه‌ندامانى ئەنجومەنی باڵای سیاسی و بەرژەوەندیی یەكێتیی نیشتمانیی كوردستان و ئه‌نجومه‌نى سه‌ركردایه‌تیى گشتیى یه‌كێتى و ته‌واوى كادیران و ئه‌ندامان و لایه‌نگرانى ده‌كه‌م، هیواى سه‌ركه‌وتنیان بۆ ده‌خوازم.
یەكێتیی نیشتمانیی كوردستان كه له‌سه‌ر ئاستى كوردستان و عێراق خاوه‌ن ئاماده‌یى و پێگه‌یه‌كى كاریگه‌ره، به سه‌ركه‌وتنى كۆنگره‌كه‌ى ده‌توانێ ڕۆڵێكى باشتر بۆ به‌ده‌ستهێنانى مافه ده‌ستوورییه‌كانى هه‌رێمى كوردستان له عێراق و خزمه‌تكردنى زیاترى هه‌رێمى كوردستان و پاراستنى ده‌سكه‌وته‌كانى و دروستكردنى یه‌كڕیزى و ته‌بایى له‌نێوان لایه‌نه كوردستانییه‌كاندا بگێڕێت.
هه‌ر له‌م بۆنه‌یه‌دا به ڕێزه‌وه یادى جه‌نابى سه‌رۆك مام جه‌لال ده‌كه‌ینه‌وه.
نێچیرڤان بارزانى
سه‌رۆكى هه‌رێمى كوردستان
27/12/2019
Your Comment