بەپێی هەواڵی کوردپرێس، «ووقیان» وتەبێژی وەزارەتی بەرگریی چین ئەمڕۆ پێنجشەممە 26ی دیسمبێری 2019 جەختی کردەوە چین و ڕووسیا و ئێران لە بەیانیەوە تا ڕۆژی دووشەممە، نمایشێکی سەربازیی دەریایی هاوبەش لە دەریای عومان ئەنجام دەدەن.

ڕۆژنامەی گلۆبال تایمز لە لاپەڕەی توویتەری خۆیدا لەمبارەوە ڕایگەیاند: وتەبێژی وەزارەتی بەرگریی چین لەبارەی ئەم نمایشە دەریاییە چوار ڕۆژەیە وتووەیە هێزی دەریایی پیکەن بەنیازە کەشتیی جەنگیی «شینینگ» لە نمایشەکەدا بەکار بهێنێت.

هەر لەمبارەوە سەرتیپ «ئەبولفەزل شکارچی» وتەبێژی هێزە چەکدارەکانی ئێران ڕۆژی چوارشەممە لە دانیشتنێکی ڕۆژنامەوانیدا باسی لە نمایشی دەریایی هاوبەشی نێوان ئێران، چین و ڕووسیا کرد و ڕایگەیاند: لە ڕۆژی هەینییەوە بۆ ماوەی چوار ڕۆژ ئەم نمایشە سەربازییە گرینگە لە باکووری دەریای هیند و دەریای عومان بەڕێوە دەچێت.

کۆدی هەواڵنێر: 60113