بەپێی هەواڵی کوردپرێس، مەزڵووم کۆبانی فەرماندەی گشتیی هێزەکانی سووریای دیموکرات لەگەڵ سنهریب برسۆم، هاوسەرۆکی حزبی ئایندەی سووریا و ئافرام ئیسحاق، گابریێل شیمۆن و عەبیر ئیلیا، ئەندامانی ئەنجومەنی ناوەندیی حزبی ئایندەی سووریا کۆبوونەوە و گفتوگۆی ئەنجام دا.

بەگوێرەی ئاژانسی KRDnews لەم دیدارەدا هەردوولا لەباەری گۆڕانکاریە سیاسی و سەربازییەکانی ناوچەکە گفتوگۆیان کرد و جووڵەی سەربازیی ئەمدوایەی سوپای تورکیایان تاوتوێ کرد و هەروها پرسی ئۆپەراسیۆنە سەربازییەکان تەوەرێکی دیکەی گفتوگۆکە بوو.

هەر لەم بارەوە هەردوو لایەنەکە لەبارەی هەڵمەتی سەربازیی تورکیا و سوپای ئازادی سووریا کە بەمەبەستی گۆڕینی دیمۆگرافیای ناوچەکە و تاوانی جەنگی دژی هاووڵاتیانی سڤیل ئەنجام دەدرێت گفتوگۆیان کرد و ئەو هەڕەشانەی کە حەشیمەتی مەسێحیی باکووری سووریا دەکاتە ئامانج قسەی لەسەر کرا.

کۆدی هەواڵنێر: 60113