کوردپرێس: بەپێی ئاژانسی هەواڵی رۆیتەرز، شەوی رابردوو ئەنجومەنی نوێنەران و پیرانی ئەمریکا رەزامەندییان لەسەر رەشنووسی بودجەی بەرگریی ئەمریکا بۆ ساڵی 2020 دەربڕی.

ئەو رەشنووسە لەلایەن هەردوو حزبی کۆماری و دیموکراتی ئەمریکاوە دەنگی لەسەر دەدرێت و دەخرێتە بەردەم دۆناڵد ترەمپ، سەرۆکی ویلایەتە یەکگرتووەکانی ئەمریکا و پاش واژۆکردنی دەبێت بە بەڵگەنامەیێکی یاسای کە هەموان دەبێت پابەندبن پێیەوە.

لە رەشنووسی بودجەکەدا رێگری کراوە لە ئیدارەی دۆناڵد ترەمپ فڕۆکەی F-35 بگوازێتەوە یاخود بفڕۆشێت بە تورکیا.

مانگی تەمموزی ئەمساڵ تورکیا سیستەمی بەرگری مووشەکی S-400ی رووسی کڕی، لە رێککەوتنێکدا لەگەڵ مۆسکۆ، کە دژایەتیێکی زۆری لەلایەن واشنتنەوە لێکرا، بڕیاریشە سیستەمەکە لە مانگی نیسانی ساڵی داهاتوو بەتەواوەتی لە تورکیا بکەوێتەکار.

واشنتن سیستەمی بەرگری S-400ی رووسی بە هەڕەشە بۆ سەر فڕۆکەی جەنگی F35ی ئەمریکی دەبینێت، بۆ ئەم مەبەستەش تورکیای لە رێککەوتنی فڕۆشتنی سیستەمی پاتریۆتی ئەمریکی دوورخستەوە و سزای شکاندنی رێککەوتننامەکەی بەسەر ئەنقەرەدا سەپاندووە.

کۆدی هەواڵنێر: 60113