بەپێی هەواڵی کوردپرێس، له‌میانی پێنجه‌مین كۆنگره‌ی ئاسایی پارتی دیموكراتی هه‌رێمه‌كان "ده‌به‌په"، په‌روین بوڵدان هاوسه‌رۆكی پارتی دیموكراتی گه‌لان وتارێكی پێشكه‌ش كرد و رایگه‌یاند: بۆئه‌وه‌ی له توركیا قۆناغی ئاشتی و چاره‌سه‌ر بگه‌ڕێته‌وه، پێویسته گۆشه‌گیریی سه‌ر عه‌بدوڵڵا ئۆجه‌لان لاببرێت.
هاوسه‌رۆكه‌كه‌ی هه‌ده‌په دووپاتی كرده‌وه، ئه‌وان ئاماده‌ن هاوكار بن بۆ گه‌ڕاندنه‌وه‌ی قۆناغی ئاشتی و ئازادی، به‌ڵام پارتی داد و گه‌شه‌پێدانی ده‌سه‌ڵاتدار هێزێک نییه بتوانێت ئاشتی بهێنێته‌ئاراوه، بۆیه پێویسته ئاک پارتی له ده‌سه‌ڵات لاببرێت و له‌گه‌ڵ گه‌لانی توركیا قۆناغی ئاشتی بهێننه‌ئاراوه.
په‌روین بوڵدان قوربانیی هاوڕێكانی بۆ گه‌یشتن به ئازادی و ئاشتی هێنایه‌وه بیر، له‌وانه‌ش، سه‌ڵاحه‌دین ده‌میرتاش و فیگه‌ن یوكسه‌كداغ، هه‌روه‌ها سه‌باحه‌ت تونجه‌ل هاوسه‌رۆكی گشتیی "ده‌به‌په"، كه به‌هۆی ده‌ستگیركردنیه‌وه به نامه‌یێک به‌شداریی كۆنگره‌ی حزبه‌كه‌ی كرد.
کۆدی هەواڵنێر: 60113
Your Comment